Ukrayna Putinin 9 May atəşkəsini RƏDD ETDİ - SƏBƏB
Rusiya Ukraynanın elan etdiyi atəşkəs rejiminə əməl etməyib.
SAVASHMEDİA.az xəbər verir ki, bu barədə Ukrayna müdafiə nazirinin müşaviri Sergey Sternenko məlumat verib.
O bildirib ki, Rusiya tərəfi atəşkəsə baxmayaraq, Ukrayna ərazilərinə hücumlarını davam etdirib. Sternenkonun sözlərinə görə, bu addımlar Moskvanın atəşkəslə bağlı verdiyi mesajlarla ziddiyyət təşkil edir.
“Bu cür hərəkətlər Vladimir Putinin 9 May münasibətilə elan etdiyi atəşkəsi faktiki olaraq formal xarakterə salır”, – deyə o vurğulayıb.
Qeyd edək ki, mayın 4-də Ukrayna Prezidenti Volodimir Zelenski mayın 6-na keçən gecədən etibarən atəşkəsə hazır olduqlarını açıqlamışdı. Ukraynanın xarici işlər naziri Andriy Sibiqa isə bildirib ki, buna baxmayaraq, Rusiya hücumlarını dayandırmayıb. Onun sözlərinə görə, mayın 6-na keçən gecə Rusiya qüvvələri Ukraynaya 108 pilotsuz uçuş aparatı və 3 raketlə zərbə endirib.
Oğuz
