Sükan arxasında telefonla danışmağın cəriməsi nə qədərdir? - Bəs qulaqlıqla...
Sükan arxasında telefonla danışmaq yol hərəkətində ən çox rast gəlinən və təhlükəli pozuntulardan biridir.
SAVASHMEDİA.az xəbər verir ki, sürücünün hərəkət zamanı mobil telefonu əldə tutaraq istifadəsi qadağandır və bu halda təxminən 40 manat məbləğində cərimə tətbiq olunur.
Qulaqlıq və ya “hands-free” sistemlə danışmağa isə ümumilikdə icazə verilir. Yəni sürücü telefonu əlinə almadan, Bluetooth və ya qulaqcıq vasitəsilə danışa bilər və bu, birbaşa cərimə ilə nəticələnmir. Lakin bu hal belə diqqətin bölünməsinə səbəb olur. Sürücü sükanı idarə etsə də, söhbət zamanı reaksiyalar zəifləyə, yol vəziyyətinə nəzarət isə qismən azala bilər.
Bu səbəbdən yol təhlükəsizliyi mütəxəssisləri hesab edir ki, ən doğru seçim sürücünün hərəkət zamanı telefon danışıqlarını minimuma endirməsidir. Çünki bir neçə saniyəlik diqqətsizlik belə şəhər şəraitində ciddi qəza riskinə çevrilə bilər.
Aytən
