ABŞ-də president seçkiləri başladı – “CNN”
Amerika Birləşmiş Ştatlarında (ABŞ) prezident seçkiləri başlayıb və artıq Nyu-Hempşir ştatının kiçik Diksvill-Notç qəsəbəsindəki ilk seçki məntəqəsində baş tutmuş səsvermənin nəticələri məlumdur.
SAVASHMEDİA.az xəbər verir ki, bu barədə “CNN” məlumat yayıb.
ABŞ-Kanada sərhədi boyunca yerləşən əhali 1960-cı ildən bəri davam edən ənənəyə sadiq olaraq gecə yarısından sonra seçki məntəqəsini açıb və bağlayıb.
Səsvermədə dörd respublikaçı və iki elan edilməmiş seçici iştirak edib. Prezidentliyə namizədlər Kamala Harris və Donald Trampın hərəyə üç səs toplayıblar.
Ənənəyə uyğun olaraq qəsəbənin səsvermə hüququna malik olan bütün sakinləri gizli səs vermək üçün hazırda fəaliyyət göstərməyən “Balzams” otelində toplaşırlar.
Hər səsvermədən sonra səslər sayılır və dərhal nəticələr elan edilir. Bu, ABŞ-nin digər ərazilərindən bir neçə saat əvvəl baş verir.
Xatirə SADİQ
