Xəyanətdən şübhələnirsiniz? - Əsas ƏLAMƏTLƏR
Münasibətlərdə etimadın sarsılmasının ən ağır səbəblərindən biri xəyanət şübhəsidir. Bəzən isə adi görünən bir mesaj və ya davranış tərəflərdən birinin uzun müddət gizlətdiyi həqiqəti üzə çıxara bilər.
SAVASHMEDIA.az xəbər verir ki, psixoloqlar münasibətdə qəfil davranış dəyişikliklərinin və telefonla bağlı həddindən artıq gizliliyin diqqətə alınmalı siqnallardan olduğunu bildirirlər.
Mütəxəssislərin fikrincə, partnyorun telefonunu əvvəlkindən daha çox gizlətməsi, ekranı digər tərəfdən çevirməsi, mesaj gələndə uzaqlaşması və bəzi yazışmaları silməsi şübhə yarada bilər. Lakin bu davranışların heç biri təkbaşına xəyanətin sübutu hesab olunmur.
Belə vəziyyətlərdə ən doğru yol gizli şəkildə telefon yoxlamaq və ya nəticə çıxarmaq deyil, açıq danışmaqdır. Çünki əsassız şübhələr də münasibətdə ciddi problemlərə səbəb ola bilər.
Psixoloqlar qeyd edirlər ki, etimadın bərpası üçün tərəflər arasında açıq ünsiyyət və qarşılıqlı dürüstlük əsas şərtlərdən biridir.
Aytən
