"Bu yaşda qol vura bilirəmsə..." - Ronaldo
Portuqaliya millisinin kapitanı və Səudiyyə Ərəbistanının “Əl-Nəsr” klubunun hücumçusu Kriştiano Ronaldo gələcək planları ilə bağlı açıqlama verib.
41 yaşlı futbolçu 2030-cu il dünya çempionatında çıxış edib-etməyəcəyi ilə bağlı sualı cavablandırarkən bu ehtimalı hələ də gündəmdə saxladığını bildirib.
Ronaldo hazırkı fiziki durumundan razı olduğunu vurğulayaraq, karyerasını uzatmaq niyyətində olduğunu gizlətməyib.
“2030-cu il mundialında oynamaq variantını hələ də nəzərdən keçirirəm. Bu yaşda belə hər həftə qol vururam. Düşünürəm ki, daha bir neçə il yüksək səviyyədə oynamaq mümkündür”, - o qeyd edib.
Xatırladaq ki, Portuqaliya millisi ilə çıxış edən təcrübəli hücumçu qarşıdakı 2026-cı il dünya çempionatında da komandasına liderlik edəcək.
Aytən
SAVASHMEDİA.az
