Maduro və arvadı məhkəməyə belə gətirildi - VİDEO
Venesuelanın hazırda ABŞ-də həbsdə olan Prezidenti Nikolas Maduro və həyat yoldaşı Siliya Flores saxlanıldığı həbsxanadan çıxarılıb.
SAVASHMEDİA.az xarici mediaya istinadən xəbər verir ki, onlar Nyu York Məhkəməsinə aparılıb.
Onlar narkotik maddə və silah qaçaqmalçılığı ittihamları ilə hakim qarşısına çıxarılacaq.
Birləşmiş Ştatların hüquq-mühafizə orqanları bununla əlaqədar ciddi təhlükəsizlik tədbirləri görüb.
Qeyd edək ki, N.Maduro 1962-ci ildə anadan olub. O, 2013-cü ildən Venesuelaya rəhbərlik edirdi.
ABŞ yanvarın 3-də Venesuelanın paytaxtı Karakasa hava zərbələri endirib. Bununla paralel olaraq Birləşmiş Ştatların seçmə qüvvəsi olan Delta Force xüsusi təyinatlıları əməliyyat keçirərək Prezident N.Maduro və həyat yoldaşı Siliya Floresi həbs edib ABŞ-yə aparıb.
Nyu York Cənubi Federal Məhkəməsində onlara qarşı narko-terrorizm və narkotik qaçaqmalçılığı ilə bağlı ittihamlar irəli sürülüb.
Aytən
