Niderland hökuməti dağıldı
Qərb ölkələrinin əksəriyyətində siyasətçilərin və seçicilərin əsas probleminə çevrilən miqrasiya məsələsi çərşənbə axşamı Niderland koalisiya hökumətinin dağılmasına səbəb olub.
SAVASHMEDİA.az xəbər verir ki, Azadlıq Partiyasının (PVV) yaradıcısı və lideri Gert Vilders “X” platformasında partiyasının koalisiyadan çıxdığını elan edib.
“Der Telegraaf” isə yazır ki, PVV-nin üzvləri – beş nazir və dörd dövlət katibi hökuməti tərk edəcəklər.
Bu addım koalisiyaya daxil olan digər üç partiyanın PVV-nin miqrasiyanı məhdudlaşdırmaq planını dəstəkləməkdən imtina etməsindən sonra atılıb.
Bu o deməkdir ki, indi Niderlandda növbədənkənar seçkilər keçirilməlidir.
Xatirə SADİQ
