"Qazax dilində alınma sözlər azdır" - Tokayev
Qazaxıstan Prezidenti Kasım-Jomart Tokayev qazax dilində yaranan bəzi yeni sözləri süni adlandırıb.
SAVASHMEDİA.az xəbər verir ki, prezident bu barədə “Qazax dili” beynəlxalq cəmiyyətinin X qurultayında çıxış edərkən danışıb.
"Qazax dilində qonşu ölkələrin dilləri ilə müqayisədə alınma sözlər xeyli azdır. Süni sözlərə ehtiyac yoxdur".
Dövlət başçısı dilçilik sahəsində universal və hamı üçün əlçatan rəqəmsal sistemin yaradılmasının vacibliyini vurğulayıb. Bunun üçün peşəkar dilçilər, alimlər, ekspertlər və ictimaiyyət nümayəndələrindən ibarət işçi qrupunun yaradılmasını təklif edib. Tokayev bütün lüğətlərin, o cümlədən orfoqrafiya lüğətinin yenilənməsinin zəruri olduğunu da bildirib. Onun sözlərinə görə, qazax orfoqrafiyasının normaları 2027-ci ilin sonunadək qaydaya salınmalıdır.
Prezident xatırladıb ki, rəsmi təsdiq olunmuş orfoqrafiya lüğəti 1983-cü ildə çıxıb, sonradan nəşr olunan lüğətlər isə dövlət səviyyəsində təsdiqlənməyib.
