“Sabah”ın baş məşqçisinin həyatından 10 MARAQLI FAKT - Tanımadığımız Dambrauskas

SAVASHMEDİA.az litvalı mütəxəssisin həyatından maraqlı faktları təqdim edir.

Beləliklə...

1. Peşəkar futbolçu olmayıb

Dambrauskas futbol oynasa da, peşəkar səviyyədə karyera qurmayıb.

2. Televiziya yarışmasına qatılıb

Dambrauskas gənc yaşlarında “Kim milyonçu olmaq istəyir?” verilişində iştirak edib və pul mükafatı qazanıb.

3. Qazandığı pulla İngiltərəyə gedib

O, yarışmada əldə etdiyi vəsaiti məşqçilik karyerasına yatırıb və İngiltərəyə gedərək bu sahədə təhsil və təcrübə qazanıb.

4. “Manchester United”də işləyib

Dambrauskas İngiltərədə olarkən “Manchester United” akademiyasında çalışıb və klubun məşqçilik sistemini yaxından öyrənib.

5. “Fulham” və “Brentford”da da təcrübə toplayıb

Onun İngiltərə macərası bununla bitməyib. Dambrauskas “Fulham” və “Brentford” akademiyalarında da işləyib.

6. Karyerasının başlanğıcı çox aşağı liqadan olub

Məşqçi kimi ilk addımlarından birini İngiltərənin aşağı liqalarında atıb. Sonrakı illərdə isə Avropanın müxtəlif ölkələrində işləyərək böyük uğurlar qazanıb.

7. Şahmat oynayır

Dambrauskas şahmata xüsusi maraq göstərir. O, müxtəlif şahmat yarışlarında iştirak edib və rəsmi turnirlərdə oyunları da qeydə alınıb.

8. Kitab oxumağı sevir

Mütəxəssis mütaliəyə böyük əhəmiyyət verir. O, kitab oxumağı sadəcə hobbi yox, gündəlik həyatının bir hissəsi hesab edir.

9. Alkoqol qəbul etmir

Dambrauskasın ən diqqətçəkən şəxsi xüsusiyyətlərindən biri içki içməməsidir. O, özünün alkoqol qəbul etmədiyini açıqlayıb.

10. Qaçışla da məşğul olub

Futboldan əlavə qaçışa maraq göstərən Dambrauskas müxtəlif yarışlarda, o cümlədən yarımmarafonlarda iştirak edib.

Beləliklə, televiziya yarışmasında qazandığı pulla məşqçilik yoluna başlayan Dambrauskas bu gün Azərbaycan futbolunun ən məşhur simalarından birinə çevrilib.

Səlcuq