UEFA bu milli komandaların bir-birilə oynamasına qadağa qoyub - Azərbaycan da siyahıdadır

SAVASHMEDİA.az xəbər verir ki, bu məhdudiyyətlər əsasən siyasi münaqişələr və dövlətlərarası gərginliklərlə əlaqədardır.

Hazırda UEFA-nın püşkatma qaydalarına əsasən aşağıdakı milli komandalar bir-biri ilə qarşılaşa bilməz:

Azərbaycan - Ermənistan

Ukrayna - Rusiya

Ukrayna - Belarus

Kosovo - Bosniya və Herseqovina

Kosovo - Serbiya

Kosovo - Rusiya

Cəbəllütariq - İspaniya

Bu məhdudiyyətlər UEFA-nın Çempionlar Liqası, Avropa Liqası, Konfrans Liqası və milli komandaların iştirakı ilə keçirilən turnirlərin püşkatmaları zamanı tətbiq olunur.

Bəs səbəb nədir?

Azərbaycan - Ermənistan

Azərbaycan və Ermənistan arasında uzun illər davam edən siyasi münaqişə səbəbindən UEFA bu iki ölkənin milli komandalarını və klublarını eyni püşkatmaya salmır. Məqsəd mümkün təhlükəsizlik risklərinin qarşısını almaqdır.

Ukrayna - Rusiya

2022-ci ildə Rusiyanın Ukraynaya qarşı genişmiqyaslı hərbi əməliyyatlarından sonra UEFA bu cütlüyün qarşılaşmasını tamamilə qadağan edib. Rusiya milli komandası hazırda UEFA və FIFA turnirlərindən də kənarlaşdırılıb.

Ukrayna - Belarus

Belarusun Rusiya ilə yaxın siyasi və hərbi əməkdaşlığı səbəbindən UEFA Ukrayna və Belarus yığmalarının da qarşılaşmasına icazə vermir.

Kosovo ilə bağlı üç qadağa

Kosovo UEFA üzvü olsa da, bəzi ölkələr onun müstəqilliyini tanımır. Buna görə:

Kosovo - Serbiya
Kosovo - Bosniya və Herseqovina
Kosovo - Rusiya

cütlükləri püşkatmada bir-birinə rəqib ola bilmir.

Cəbəllütariq - İspaniya

İspaniya Cəbəllütariqi ayrıca dövlət kimi tanımadığı üçün UEFA bu iki komandanın da üz-üzə gəlməsini məhdudlaşdırıb.

Qadağalar necə tətbiq olunur?

Bu komandalar püşkatma zamanı xüsusi proqram vasitəsilə ayrılır və eyni qrupa və ya bir-birinə rəqib ola biləcək səbətə salınmırlar. Beləliklə, UEFA mümkün siyasi gərginliyin yarışlara təsir etməsinin qarşısını almağa çalışır.

Oğuz