Özgür Özel CHP-nin yeni qərargahını ELAN ETDİ - "Bundan sonra buradayıq"
"Biz qərargahımızı və oradakı kabinetlərimizi onlarda gözü olan birinə buraxdıq”
SAVASHMEDİA.az xəbər verir ki, bu sözləri Cümhuriyyət Xalq Partiyasının (CHP) lideri Özgür Özel parlamentə yürüşü zamanı Kamal Kılıçdaroğluna eyham vuraraq deyib.
Özgür Özel CHP-nin bundan sonra harada fəaliyyət göstərəcəyini də açıqlayıb:
"Qərargahımızı tərk etdik. Amma parlamentdə də otağımız var. Bundan sonra CHP-nin qərargahı oradır".
Bu arada CHP-dən olan deputatların Kılıçdaroğlu ilə görüşmək üçün qərargaha getdiyi, tərəfdarlarının isə Özgür Özələ aid banneri yığışdırdığı bildirilir. Polis CHP-nin mərkəzi qərargahı ətrafında təhlükəsizlik tədbirlərini gücləndirib.
Xatırladaq ki, Türkiyə Apelyasiya Məhkəməsi CHP-nin 38-ci qurultayının nəticələrini etibarsız sayaraq partiya rəhbərliyinin Kılıçdaroğluna qaytarılması barədə qərar verib. Partiya rəhbərliyinin bu qərardan verdiyi apellyasiya şikayətləri isə rədd edilib.
Oğuz
