Tbilisiyə qatarla səfər üçün hansı sənədlər lazımdır? - SİYAHI
Bakı-Tbilisi reysi ilə səfər edəcək sərnişinlərdən hansı sənədlərin tələb olunduğu açıqlanıb.
SAVASHMEDİA.az xəbər verir ki, qatara minik üçün biletlə yanaşı, aşağıdakı sənədlərin təqdim olunması mütləqdir:
- Pasportun əsli (mygov-dan əldə edilmiş rəqəmsal versiya keçərli deyil)
- Gürcüstan tərəfinin tələblərinə uyğun olaraq səyahət sığortası
- 5 yaşadək bir uşaqla səfər üçün onun adına rəsmiləşdirilmiş pulsuz bilet
- Bir valideynlə səfər edən uşaq (-lar) üçün digər valideynin və ya başqa bir böyüklə (valideynsiz) səfər edən uşaq (-lar) üçün hər iki valideynin ayrı-ayrılıqda notarial qaydada təsdiqlənmiş etibarnaməsi
Qeyd edək ki, bu gün saat 23:10-da Bakı-Tbilisi qatarı uzun fasilədən sonra ilk səfərinin həyata keçirəcək.
